સુસ્વાગતમ્...

આવતીકાલના શિશુને સમર્પિત આ બ્લોગમાં આપનું સ્વાગત છે. અહીં પ્રસ્તુત લેખો મેં સંપાદિત કે રચિત મેડીકલ-વૈજ્ઞાનિક માહિતી છે.આ માહિતી સંપૂર્ણપણે તટસ્થ અને કોઈપણ જાતના વ્યાપારિક હિતોથી પર છે. બ્લોગ દ્વારા વિશ્વભરના ગુજરાતી ભાષા જાણતા માતા-પિતાને વૈજ્ઞાનિક જ્ઞાન પીરસી મદદરુપ થવાની આશા છે.
આપના પ્રતિભાવો આપવા નમ્ર વિનંતી છે.

આ બ્લોગ internet explorer ની મદદથી વધુ સરસ રીતે જોઈ શકાય છે.


Wednesday, September 26, 2012

ગુજમોમ.કોમ - બેસ્ટ બ્લોગ - ગુજરાતી ( લાડલી મિડીયા એવોર્ડ 2011/12)



વર્ષ 2011-12 માટે લિંગ સંવેદનશીલતા અને બેટી બચાવો અંગેના લાડલી મીડિયા એવોર્ડ (પશ્ચિમ શ્રેત્ર) તા. 22/9/2012ના રોજ જયપુર ખાતે યોજાયો. પોપ્યુલેશન ફર્સ્ટ દ્વારા આયોજીત અને યુનાઈટેડ નેશન ફોરમ ઓફ પીપલ (UNFPA) તથા આદિત્ય બિરલા ફાઉન્ડેશન દ્વારા પ્રાયોજીત આ પ્રતિષ્ઠિત એવોર્ડ માટે ગુજરાત, રાજસ્થાન, મહારાષ્ટ્ર અને ગોવાના તમામ પ્રકારના મીડિયા સાથે જોડાયેલા લગભગ 600 મીડિયા પ્રતિનીધીઓએ અરજી કરી હતી. જેમાંથી જૂરી પ્રક્રિયા દ્વારા 22 પ્રતિનીધીઓની આ એવોર્ડ માટે પસંદગી થવા પામી હતી. આમાં વેબ મીડિયા કેટેગરીમાં જામનગરના ડો. મૌલિક શાહ ની જ વેબ સાઈટ ગુજમોમ.કોમ ને ગુજરાતી ભાષાના બેસ્ટ બ્લોગ તરીકે જાહેર કરાયેલ. આ માટે તેમનું લેખન “એક સવાલ જે મને દુઃખી કરે છે...!” અત્યંત સરાહના પામેલ.

ગુજમોમ.કોમ નું સર્જન અને વિમોચન ગત વર્ષે થયેલ. વિશ્વની સૌ પ્રથમ માતૃત્વ અને શિશુ સંભાળ અંગેની વેબ સાઈટ તરીકે એક જ વર્ષમાં અતિ લોકચાહના પામેલ છે. દુનિયાભરના ઈન્ટરનેટ પ્રેમી જેને ગોલ્ડ સ્ટાન્ડર્ડ માને છે તેવા ગૂગલ એનાલાયટીકસ ( સૌથી વિશ્વસનીય ઈંટરનેટ એનાલયટીક એંજીન ) દ્વારા મળતા આંકડાઓ મુજબ આ વેબસાઈટ હાલ દુનિયાના 58 દેશોમાં વાચક મિત્રો ધરાવે છે....! ગત વર્ષે વેબસાઈટ ને 1,90,532 ક્લિક્સ મળી. વેબ સાઈટમાં  સગર્ભાવસ્થાની વિવિધ સારસંભાળ(આહાર-યોગ-મેડીકલ તપાસ- ભયજનક અવસ્થાઓ)- ડીલીવરી(સીઝેરીયન/નોર્મલ) વિશે, પ્રસુતિ પછીની સંભાળ, નવજાત શિશુ માટે ની વિવિધ તૈયારી (ક્પડા- સાધનો–રમક્ડા-જરુરી ઘર વપરાશની ચીજો) , નવજાત શિશુ માટેની સંભાળ (સ્તન પાન-ચેપથી બચાવ-કાંગારુ મધર કેર- નવડાવવા અને માલિશ વિશે ), નિઃસંતાન દંપતિ માટે સૂચનો જેવા અનેક વિવિધ વિભાગ ખૂબ સુંદર રીતે અપાયેલ છે.

આ તમામ શ્રેય અને આટલા બહોળા વાચક વર્ગ સુધી પહોંચવુ આપના સાથ અને સહકાર વિના શક્ય ન હતુ. વેબસાઈટ ના વિમોચન થી જ આપના સૌ દ્વારા તેનો વ્યાપક પ્રચાર કરવા હું આપનો હાર્દિક આભારી છુ. હજુ પણ  આપના માધ્યમ થી બહોળા વાચક વર્ગને જો આ વેબસાઈટ વિશે જાણકારી મળશે અને તેઓ લાભ લઈ શકશે તો અનેક માતાઓ અને નવજાતશિશુ ને સ્વસ્થ આરોગ્ય ની ભેટ મળશે. આપણી પોતાની ગુજરાતી ભાષાના માધ્યમમાં  લોકોને ઉપયોગી થવાના મારા આ પ્રયત્નમાં આપ સૌ સહભાગી થશો તેવી નમ્ર વિનંતી.



આપનો પ્રત્યુત્તર કોમેન્ટ સ્વરુપે ચોક્કસ આપશો. - ડો.મૌલિક શાહ એસોસિયેટ પ્રોફેસર ઓફ પિડીયાટ્રીક્સ એમ.પી.શાહ મેડીકલ કોલેજ જામનગર (ગુજરાત)

Wednesday, March 28, 2012

બનો ગુજમોમ ના શુભેચ્છક - બાળ મિત્ર ...!



પ્રથમ વર્ષગાંઠ સમયે વાચક મિત્રોના અનેક સૂચનો અનુસાર હવે ગુજમોમ www.gujmom.com  ના ભાવિ પ્લાન આ મુજબ છે.
1. આજ વેબ પર હજુ વધુ જરુરી એવી એપ્લીકેશન આપવી જેમકે બાળકની વય અનુસાર આદર્શ વજન – ઉંચાઈ દર્શાવતો સોફ્ટવેર , ડાયેટ પ્લાનર વિ.
2. આ વેબ પર લાઈવ વેબીનાર કે જેના દ્વારા નિષ્ણાત તબીબ સરળ ગુજરાતી ભાષામાં પ્રસુતિ અને સગર્ભાવસ્થાના પ્રશ્નો અંગે માર્ગદર્શન પ્રતિ સપ્તાહ પૂરુ પાડે.
3. આ જ વેબના બે અંગ્રેજી અને હિંદી ભાષાના સંસ્કરણૉ પણ લોંચ કરવા. જેથી ગુજમોમ ખરા અર્થમાં વિશ્વ વ્યાપી બને.
4. ગુજમોમ માટે ખાસ ગુજરાતી ભાષામાં ઉપયોગી હેલ્થ વિડીયોનું સર્જન કરવુ.
મિત્રો
આ સૂચિત પ્લાન પૂરા કરવા આશરે ત્રણ લાખ (three lacs) જેટલી રકમની આવતા એક વર્ષમાં જરુર રહે છે. જરુર છે માત્ર વાચક મિત્રો કે શુભેચ્છકો માંથી કોઈ ભામાશાની...! કોઈ કંપની – ટ્રસ્ટ કે સંસ્થા પણ આ કાર્ય માં મદદ રુપ થઈ શકે છે. આ માટે ગુજમોમ વેબ પર જો જરુર જણાય તો જાહેરાત પ્રસિધ્ધ પણ કરી શકાશે.
વાચક મિત્રો માત્ર 2500 રુ.નું દાન અર્પીને પોતાના શિશુના નામે એક લેખ અર્પિત કરી શકે છે. ગુજમોમ તેના બાળ શુભેચ્છકોનું બહુમાન વિવિધ લેખ પર શિશુનો ફોટોગ્રાફ નામ સાથે સાઈડપેનલ પર વર્ટીકલ એડ બેનર દ્વારા એક વર્ષ માટે કરશે.
આપનું યોગદાન કેવી રીતે આપશો?
ચેક /ડીમાન્ડ ડ્રાફ્ટ
આપ અમોને આપનું યોગદાન ચેક /ડીમાન્ડ ડ્રાફ્ટ દ્વારા "Aalap creative communication" ના નામે આલાપ ક્રિએટીવ કોમ્યુનિકેશનના સરનામે મોકલી શકો.
અમારુ એકાઉન્ટ નં - 325120110000138
બ્રાંચ - બેંક ઓફ ઈંડીયા - હોસ્પીટલ રોડ , જામનગર.(ગુજરાત- ભારત )
નેટબેંકીગ
અમારુ એકાઉન્ટ - નં - 325120110000138
બેંક IFSC : BKID0003251
બ્રાંચ - બેંક ઓફ ઈંડીયા - હોસ્પીટલ રોડ , જામનગર.(ગુજરાત- ભારત )
સાઈટ સંચાલકનું સરનામું
આલાપ ક્રિએટીવ કોમ્યુનિકેશન
201 – ક્રિશ્ના એપાર્ટમેંટ
પાર્ક કોલોની
જામનગર (ગુજરાત)
ફોન – 09825865669
Email : aalapcc@gmail.com

આપનો પ્રત્યુત્તર કોમેન્ટ સ્વરુપે ચોક્કસ આપશો. - ડો.મૌલિક શાહ એસોસિયેટ પ્રોફેસર ઓફ પિડીયાટ્રીક્સ એમ.પી.શાહ મેડીકલ કોલેજ જામનગર (ગુજરાત)